«Ես նոր ընտրարշավ եմ սկսում». Մարին լե Պենը

15:24   19 Մայիս 2017    198

Ինչպես տեղեկացնում է Hayatsk.info- ն՝ վկայակոչելով ՏԱՍՍ­-ին, Ֆրանսիայի «Ազգային ճակատ» կուսակցության առաջնորդ Մարին լե Պենը մայիսի 19­-ին հայտարարել է, որ իր թեկնածությունն առաջադրում է երկրի Ազգային ժողովի (խորհրդարանի ստորին պալատ) ընտրություններում:

Լե Պենը ելույթ է ունեցել Էնեն Բոմոն քաղաքում (երկրի հյուսիսարեւմտյան մաս): Այստեղից նա արդեն երկու անգամ առաջադրվել է խորհրդարանական ընտրություններում, բայց երկու անգամն էլ պարտվել է:

«Կարծում եմ, որ անցած նախագահական ընտրություններից հետո մեր կուսակցությունը պետք է իր ներկայությունն ուժեղացնի տեղերում, ինչպես նաեւ ջանա հնարավորինս շատ տեղեր նվաճել Ազգային ժողովում:

Ես նոր ընտրարշավ եմ սկսում եւ իմ թեկնածությունն եմ առաջադրում Ազգային ժողովում: Մեր կուսակցությունը եւ նրա ներկայացուցիչներն ամբողջովին կենտրոնացած են այս ընտրություններին մասնակցելու վրա, եւ ես կգլխավորեմ իմ զորքը»,­-ասել է Մարին լե Պենը:

Ֆրանսիայի Ազգային ժողովի ընտրություններն անցկացվելու են երկու փուլով՝ հունիսի 11-ին եւ 18­-ին: Վերջերս Opinion Way սոցիոլոգիական ուսումնասիրությունների ծառայության կողմից արված կանխատեսման համաձայն, «Ազգային ճակատը» հնարավորություն ունի խորհրդարանի ստորին պալատում նվաճել 10-­15 տեղ այն դեպքում, երբ «Հառաջ, Հանրապետություն» նախագահական շարժումը 280­-ից մինչեւ 300 տեղ կստանա 577-­ից:

Ինչպես նշում են քաղաքական մեկնաբանները, «Ազգային ճակատը» իրական հնարավորություն ունի ստորին պալատում դառնալ հիմնական ընդդիմադիր ուժը:

hayatsk.info

Հեշթեգներ:


Վերնագիրի այլ պիտակները