ԱՄՆ-ը Մոսկվայի հետ կխոսի ուժի դիրքից - Մետիս

14:34   16 Փետրվար 2017    479

Hayatsk.info-ն հայտնում է, որ ԱՄՆ պաշտպանության նոր նախարար Ջեյմս Մետիսը ՆԱՏՕ-ի անդամներին հայտնել է, որ Վաշինգտոնը հակված է սահմանափակելու իր դերը Հյուսիսատլանտյան դաշինքում, եթե անդամները չմեծացնեն իրենց պաշտպանական ծախսերը։

Ավելի վաղ ԱՄՆ նախագահ Դոնալդ Թրամփը պնդել էր, որպեսզի ՆԱՏՕ-ի անդամները մեծացնենիրենց ռազմական բյուջեն և հասցնեն այն իրենց ՀՆԱ 2 տոկոսին։ Դաշինքի 27 անդամներից միայն 5-ն են ներկայում կատարում այդ պահանջը (ԱՄՆ-ը, Մեծ Բրիտանիան, Էստոնիան, Հունաստանը և Լեհաստանը)։ Դրա հետ մեկտեղ Մետիսը դրական է արտահայտվել ՆԱՏՕ-ի մասին՝ անվանելով այն անդրատլանտյան համագործակցության հիմք։

«Ինչ վերաբերվում է Ռուսաստանի հետ հարաբերություններին, ապա ԱՄՆ-ը իրատես է իր սպասումներում և մտադիր է Մոսկվայի հետ խոսել ուժի դիրքից»,-ասել է գեներալ Մետիսը։ Բյուսելում հանդիպումն ընթացել է մտավախությունների ֆոնին, որոնք առնչվում են Ռուսաստանի հետ Սպիտակ տան նոր վարչակազմի հնարավոր կապերին։ Այդ առնչությամբ Մետիսը հայտարարել է, որ ԱՄՆ-ը պահպանում է հանձնառությունը Ռուսաստանի հետ համագործակցության վերականգնմանը, սակայն իրատես է իր սպասումներում։

«Դաշինքը Ռուսաստանի հետ համագործակցության հնարավորություններ է փնտրում, սակայն միևնույն ժամանակ մենք պետք է պաշտպանվենք այն դեպքում, եթե Ռուսաստանը որոշի գործել միջազգային իրավունքին հակառակ»,-ասել Պենտագոնի ղեկավարը։ «Անցնելով սառը պատերազմի մռայլ օրերի միջով՝ ԱՄՆ-ը նախկինի պես ցանկանում է քաղաքական ուղիները բաց պահել և նվազեցնել լարվածությունը»,-ասել է նա։

hayatsk.info

Հեշթեգներ:


Վերնագիրի այլ պիտակները