Աշոտ Ավանեսյան. Օկուպացված տարածքները պետք է վերադարձվեն Ադրբեջանին

12:18   10 Հունվար 2017    1617

Ուկրաինայի հայերի Ազգային կոնգրեսի նախագահ, Ուկրաինայի նախագահին առընթեր էթնոազգային հարցերով խորհրդի նախկին փոխնախագահ՝ Աշոտ Դադիկոյի Ավանեսյանը հանդես է եկել սենսացիոն հայտարարությամբ, փոխանցում է Hayatsk.info- ն։

Հայկական սփյուռքի հայտնի ներկայացուցիչներից մեկի խոսքով, Հայաստանի կողմից օկուպացված տարածքները պետք է վերադարձվեն Ադրբեջանին։ «Մեր կոնգրեսը համարում է, որ հայ-ադրբեջանական հակամարտությունը պետք է կարգավորվի խաղաղ ճանապարհով, Ադրբեջանի տարածքային ամբողջականության վերականգնման պայմանով։

Ուկրաինայի, որի քաղաքացիներն ենք հանդիսանում մենք այժմ, տարածքային ամբողջականությունը նույնպես խախտվել է, և միշտ՝ այդ հարցի հետ զուգահեռ մենք բարձրացնում ենք նաև Ադրբեջանի տարածքային ամբողջականության վերականգնման մասին հարցը։ Ադրբեջանի օկուպացված շրջանները պետք է վերադարձվեն։ Մենք հանդիպելով Հայաստանի պատգամավորների խմբերի և պաշտոնատար անձանց հետ՝ բազմիցս պահանջել ենք դա»,- Աշոտ Ավետիսյանին մեջբերում է անում APA-ն։

«Ադրբեջանը իմ հայրենիքն է, ես ծնվել եմ Օղուզի շրջանում։ Մենք, ընտանիքի հետ մեկտեղ այժմ նույնպես Ադրբեջանը համարում ենք մեր հայրենիքը։ Մենք ուզում ենք, որ վերականգնվի Ադրբեջանի տարածքային ամբողջականությունը։ Հայ ժողովուրդը շատ է տանջվում այդ հակամարտության պատճառով, եթե պատերազմը վերջանա և բացվեն սահմանները, ապա դրանից Հայաստանին մեծ օգուտ կլինի տնտեսական առումով։ Սա ոչ միայն իմ, այլ նաև հայերի մեծամասնության կարծիքն է»,- ընդգծել է հայկական սփյուռքի ներկայացուցիչը։

Նշենք, որ Աշոտ Ավանեսյանը ծնվել է 1964 թ. հունիսի 17-ին՝ Ադրբեջանի ԽՍՀ-ի Վարդաշենի (Օգուզի շրջան) Ջալուդ գյուղում և 1979 թվականից ապրում է Ուկրաինայում։

hayatsk.info

Հեշթեգներ:


Վերնագիրի այլ պիտակները