Բելառուսը հայտնել է ռուսական գազի գինը

20:42   17 Ապրիլ 2017    164

Բելառուսի համար ռուսական գազի գինը 2018-ին կկազմի 129 դոլար՝ հազար խորանարդ մետրի դիմաց, 2019-ին այն կկազմի 127 դոլար՝ հազար խորանարդ մետրի դիմաց։

Hayatsk.info-ն հայտնում է, որ այս մասին հայտարարել է Բելառուսի վարչապետի տեղակալ Վլադիմիր Սեմաշկոն՝ մեկնաբանելով ապրիլի 13-ին Մոսկվայում տեղի ունեցած բանակցությունները՝ Բելառուս ռուսական նավթի ու գազի մատակարարման հետ կապված։

Փոխվարչապետի խոսքով՝ Մոսկվայում «Գազպրոմ»-ի հետ արձանագիր է ստորագրվել, որտեղ հստակ նշվում են գազի ֆիքսված գները Բելառուսի համար 2017-2019 թվականներին։ «2018 թվականին գազի գինը կլինի 129 դոլար՝ հազար խորանարդ մետրի դիմաց՝ անկախ նավթի եւ գազի գների իրավիճակից։ Եթե ամեն ինչ մնար ինչպես բանակցությունների սկզբում, ապա գինը կլիներ 150 դոլար, այդ պատճառով էլ զեղչը զգալի է»,-ասել է նա։ Իսկ 2019-ին այն կկազմի 127 դոլար՝ հազար խորանարդ մետրի դիմաց։

«Իսկ հետո մենք պետք է մինչ բանակցությունների հերթական շրջանի ավարտը, իսկ մենք եռամյա պայմանագիր ունենք, որն ավարտվում է 2017-ի վերջին, պայմանագիր ստորագրենք 2018 եւ 2019 թվականների համար՝ Բելառուսի եւ Գազպրոմի միջեւ միջկառավարական համաձայնագրի շրջանակներում։ Մենք պայմանավորվել ենք, որ փաստաթուղթը կստորագրենք երկու տարով, բայց որպեսզի հասկանանք՝ ինչպես ստորագրել, արդեն 2019-ին պետք է 2020-2023 թվականների համար մոտեցումներ ունենանք։ Դրանք կձեւավորվեն մինչ 2019 թվականի հուլիսի 1-ը»,-ասել է փոխվարչապետը։

hayatsk.info

Հեշթեգներ:


Վերնագիրի այլ պիտակները