Բրիտանացիները քվեարկել են ԵՄ-ից եւ ոչ թե Եվրոպայից դուրս գալու օգտին․ Թերեզա Մեյ

19:10   17 Փետրվար 2017    299

Ինչպես տեղեկացնում է Hayatsk.info- ն՝ վկայակոչելով Le Figaro-ին, Ֆրանսիայի վարչապետ Բերնար Կազնեւի այցի նախօրեին բրիտանացի վարչապետը շարադրում է նոր գործընկերության սկզբունքները, որը նա ցանկանում է կառուցել Ֆրանսիայի եւ եվրոպացիների հետ՝ «Բրեքզիթից» հետո։

«Անցյալ տարի բրիտանացները քվեարկեցին Եվրամիությունից դուրս գալու օգտին, բայց նրանք չեն քվեարկել Եվրոպայից դուրս գալու օգտին կամ էլ ոչ թե այս կամ այն կերպ հօգուտ աշխարհից ինքնամեկուսացման », - հայտարարել է Մեյը։

«Հանրաքվեն չի նշանակում հրաժարում արժեքներից, որոնք մենք կիսում ենք կամ վնասել ԵՄ-ին։ Մեծ Բրիտանիան ու Ֆրանսիան միայն դաշնակիցներ չեն՝ մենք հարեւաններ ու ընկերներ ենք։ Ուստի մենք ձգտում ենք Եվրոպայի հետ նոր գործընկերության՝ հիմնված մեր ընդհանուր շահերի վրա », - գրում է վարչապետը։

«Մենք ցանկանում ենք որ Մեծ Բրիտանիայի եւ Ֆրանսիայի միջեւ առեւտուրը զարգանա, ոչ թե կրճատվի» -ասվում է հոդվածում։ «Մեծ Բրիտանիան նաեւ Ֆրանսիայի կողքին կլինի Սիրիայի եւ Ուկրաինայի շուրջ միջազգային ջանքեր գործադրելիս։ Այս շաբաթ մեր երկրները ՄԱԿ-ին համատեղ բանաձեւ են ներկայացրել սիրիայի քիմիական զենքի շուրջ։

Եվ երբ Ֆրանսիայի վարչապետ Կազնեւը քիչ հետո հանդիպի ինձ հետ, չեմ կասկածում, որ կրկին կհամընկենն մեր կարծիքները Ռուսաստանի վրա նախկինի պես ճնշում գործադրելու շուրջ»,-հայտարարել է Մեյը։

hayatsk.info

Հեշթեգներ:


Վերնագիրի այլ պիտակները