Եվրո-2016․ Իսլանդիայի հավաքականը պայքարից դուրս թողեց Անգլիային-լուսանկարներ

09:30   28 Հունիս 2016    367

Եվրոպայի առաջնության ֆավորիտներից Անգլիայի հավաքականը 1/8 եզրափակիչ փուլում անակնկալ պարտություն կրեց Իսլանդիայից և զրկվեց պայքարը շարունակելու հնարավորությունից։

Նիցայի «Ալյանց Ռիվերիա» մարզադաշտում կայացած հանդիպման արդեն 3-րդ րոպեին Իսլանդիայի հավաքականի դարպասապահ Հաննես Հալդոուրսոնը խախտեց կանոնները Ռահիմ Սթերլինգի նկատմամբ, և գլխավոր մրցավար Դամիր Սկոմինան նշանակեց 11-մետրանոց հարված, որն անվրեպ իրացրեց Ուեյն Ռունին։

Ռունիի գոլից հետո թվաց, թե Ռոյ Հոջսոնի սաները խոշոր հաշվով հաղթանակ տոնելու բոլոր հնարավորություններն ունեն, սակայն 6-րդ րոպեին Ռագնար Սիգուրդսոնը խփեց իսլանդացիների պատասխան գոլը, իսկ 18-րդ րոպեին Կոլբեն Սիգտորսոնն առաջ մղեց իր թիմին։
Խաղի մնացած ժամանակահատվածում Անգլիայի հավաքականի ֆուտբոլիստների՝ գոլեր խփելու բոլոր ջանքերն ապարդյուն անցան․ Իսլանդիան համակարգված պաշտպանվում էր և օգտագործում գրոհներ կազմակերպելու հնարավորությունները։

1/4 եզրափակիչ փուլում առաջնության գլխավոր հայտնություն Իսլանդիայի հավաքականը մրցելու է ֆավորիտներից Ֆրանսիայի ընտրանու հետ։
Եվրո-2016, 1/8 եզրափակիչ

Անգլիա – Իսլանդիա՝ 1։2
Գոլերը՝ Ռունի 4՛/11-մետրանոց – Սիգուրդսոն 6՛, Սիգտորսոն 18՛

Աղբույր՝sport.times.am

hayatsk.info

Լուսանկար


Հեշթեգներ:


Վերնագիրի այլ պիտակները