Լավրովը կատակով նախազգուշացրել է Եվրոպայի խորհրդի ղեկավարին իրեն գաղտնիքներ չհայտնել- VIDEO

13:46   19 Մայիս 2017    327

Ռուսաստանի Դաշնության արտաքին քաղաքական գերատեսչության ղեկավար Սերգեյ Լավրովը Եվրոպայի խորհրդի գլխավոր քարտուղար Թորբյորն Յագլանդի հետ բանակցությունների մեկնարից առաջ կատակել է վերջին շրջանում լրատվամիջոցներում մեծ աղմուկ հանած գաղտնիքների թեմայով, որոնք ԱՄՆ նախագահ Դոնալդ Թրամփը Լավրովին է պատմել իրենց վաշինգտոնյան հանդիպման ժամանակ:

Ռուսաստանի ԱԳՆ-ի թվիթերյան էջում տեղադրված տեսահոլովակում լսվում է՝ ինչպես է ԵՄ պաշտոնյան հարցնում Լավրովին. «Դուք խնդիրներ չե՞ք ունենա արարողակարգային լուսանկարների հետ կապված»: Սրան ի պատասխան ՌԴ արտգործնախարարն ասում է. «Դա կախված է նրանից, թե Դուք ինձ ինչ կարգի գաղտնիքներ կհայտնեք»:

Ria.ru-ն հիշեցնում է, որ արևմտյան լրատվամիջոցները տարածել էին, որ մայիսի 10-ին Վաշինգտոնում կայացած հանդիպման ժամանակ Թրամփը Լավրովին գաղտնի տեղեկություններ է փոխանցել ԴԱԻՇ ահաբեկչական խմբավորման վերաբերյալ՝ պատմելով, որ ահաբեկիչները ծրագրել էին պայթեցնել դեպի ԱՄՆ ուղևորվող օդանավերից մեկը:

Ավելի ուշ Թրամփն իր թվիթերյան էջում նշել էր, որ միանգամայն իրավասու էր նման տեղեկությամբ կիսվել Լավրովի հետ:



hayatsk.info

Հեշթեգներ:


Վերնագիրի այլ պիտակները