Ծառուկյանն այսօր դաշինքի հուշագիր կստորագրի «Ալյանսի» եւ «Առաքելության» հետ

11:12   16 Փետրվար 2017    325

Hayatsk.info-ն հայտնում է, որ ԲՀԿ-ն՝ նորընտիր ղեկավար Գագիկ Ծառուկյանի գլխավորությամբ, այսօր` փետրվարի 16-ին, դաշինքի հուշագիր է ստորագրելու «Ալյանս» եւ «Առաքելություն» կուսակցությունների միջեւ:

Ըստ տեղեկությունների` նա դադարեցրել է բանակցությունները նաեւ «Միասնություն» շարժման հետ, որի ղեկավար Արման Վարդանյանն ի սկզբանե հանձն էր առել Գագիկ Ծառուկյանի համար լայն դաշինք ձեւավորելու առաքելությունը: Նախնական տեղեկություններով` նրան անգամ տեղ չի հատկացվել դաշինքի համապետական ցուցակում:

Նշենք, որ «Ալյանս» կուսակցությունից, ըստ էության, ցուցակում լինելու է միայն Տիգրան Ուրիխանյանը, իսկ «Առաքելությունից»` Մանուկ Սուքիասյանը:

Ավելի վաղ Hayatsk.info-ն հայտնել էր, որ ԲՀԿ-ի եւ Գագիկ Ծառուկյանի հետ ՀՀՇ-ի, ՀՌԱԿ-ի, ՍԴՀԿ-ի բանակցությունները տապալվել են: ՀՀՇ-ից միայն Արարատ Զորաբյանը դաշինքի տարածքային ցուցակով կառաջադրվի Կենտրոն-Նորք Մարաշ-Էրեբունի տարածքից:

hayatsk.info

Հեշթեգներ:


Վերնագիրի այլ պիտակները