Կրիշտիանու Ռոնալդուն երկվորյակների հայր կդառնա. The Sun

11:38   12 Մարտ 2017    598

Ինչպես տեղեկացնում է Hayatsk.info- ն՝ վկայակոչելով The Sun-ին, «Ռեալ մադրիդ» ֆուտբոլային ակումբի և Պորտուգալիայի հավաքականի աստղ Կրիշտիանու Ռոնալդուն շուտով նորից հայր կդառնա. այս անգամ մարզիկը սպասում է երկվորյակների ծննդի:

Աղբյուրի հաղորդմամբ` ԱՄՆ-ի արևմտյան ափին բնակվող փոխնակ մայրը շուտով կծննդաբերի Ռոնալդուի երեխաներին: Մարզիկը պատմել է իր ընկերներին, որ երբ երկվորյակները ծնվեն, նրանք կտեղափոխվեն Իսպանիայի մայրաքաղաք Մադրիդի արվարձանում գտնվող առանձնատուն:

«Կրիշտիանուն անհամբեր սպասում է իր ընտանիքի նոր անդամների հետ հանդիպմանը: Նա փորձում է գաղտնի պահել իր անձնական կյանքը, սակայն մոտ ընկերներին պատմել է, որ երկվորյակները շատ շուտով կծնվեն: Նա զգում է, որ եկել է ժամանակը, որ իր որդին եղբայրներ ունենա», - մեջբերում է The Sun-ը անհայտ աղբյուրի խոսքը:

Հայտնի է, որ ֆուտբոլիստն արդեն 6 տարեկան որդի ունի, որը նույնպես ծնվել է փոխնակ մորից:

hayatsk.info

Հեշթեգներ:


Վերնագիրի այլ պիտակները