Հայաստանի Ազգային ժողովն ընտրեց 3 փոխնախագահներին

12:53   19 Մայիս 2017    412

Hayatsk.info-ն հայտնում է, որ Հայաստանի Ազգային ժողովը քիչ առաջ ընտրեց ՀՀԿ-ի և «Ծառուկյան դաշինքի» կողմից առաջադրված երեք փոխնախագահներին:

ԱԺ փոխնախագահի պաշտոնին առաջադրվել էին ՀՀԿ խմբակցությունից Էդուարդ Շարմազանովը, Արփինե Հովհաննիսյանը և «Ծառուկյան» դաշինքը ներկայացնող Միքայել Մելքումյանը:

ԱԺ հաշվիչ հանձնաժողովի նախագահ Գագիկ Մելիքյանը ներկայացրեց արդյունքները:

Ըստ նրա՝ քվեարկությանը 105 պատգամավորներից մասնակցել է 100-ը: Էդուարդ Շարմազանովի օգտին քվեարկել է 84 պատգամավոր, 13-ը դեմ է եղել նրա թեկնածությանը, եղել է 3 անվավեր քվեաթերթիկ:

ԱԺ նախագահի տեղակալի պաշտոնին ընտրված Արփինե Հովհաննիսյանին կողմ է քվեարկել 73 պատգամավոր, 22-ը դեմ է եղել: ԱԺ-ում «Ծառուկյան» դաշինքից առաջադրված Միքայել Մելքումյանի թեկնածությանը կողմ է քվեարկել 65 պատգամավոր և 29-ը դեմ է եղել, 6 քվեաթերթիկ անվավեր է ճանաչվել:

hayatsk.info

Հեշթեգներ:


Վերնագիրի այլ պիտակները