Հատուկ դատախազի նշանակումը ԱՄՆ-ին սարսափելի վնաս կհասցնի. Թրամփ

09:16   19 Մայիս 2017    318

ԱՄՆ նախագահ Դոնալդ Թրամփը հայտարարել է, որ ռուսական հատուկծառայությունների հետ իր նախընտրական շտաբի անդամների դավադրության հետ կապված կասկածների հետաքննման համար Ռոբերտ Մյուլերին հատուկ դատախազ նշանակելը սարսափելի կվնասի երկրին, տեղեկացնում է Hayatsk.info-ն։

Թրամփը նաև հայտարարել է, որ ո՛չ ինքը, ո՛չ իր նախընտրական շտաբը երբեք որևէ գաղտնի դավադրության մեջ չեն մտել Ռուսաստանի հետ։ Թրամփի խոսքով՝ հատուկ դատախազի նշանակման պպատճառով, որը կստուգի ամերիկյան ընտրություններում Ռուսաստանի միջամտության մասին հաղորդագրությունները, ԱՄՆ-ը պառակտված և շփոթված է երևում։

«Կարծում եմ՝ դա սարսափելի վնաս կհասցնի մեր երկրին, քանի որ ցույց է տալիս մեզ որպես պառակտված և շփոթված երկիր»,-ասել է Թրամփը CNN և CNBC հեռուստաալիքների հետ զրույցում։

Ավելի վաղ Թրամփը ռուսական իշխանությունների հետ իր շտաբի ենթադրյալ կապերի հետաքննությունն անվանել էր Ամերիկայի պատմության մեջ քաղաքական գործչի հանդեպ կախարդների մեծագույն որս։

hayatsk.info

Հեշթեգներ:


Վերնագիրի այլ պիտակները