Նախագահը ցավակցություն է հայտնել իր պակիստանցի գործընկերոջը

17:02   17 Փետրվար 2017    186

Ադրբեջանի նախագահ Իլհամ Ալիևը ցավակցություն է հայտնել իր պակիստանցի գործընկեր Մամնուն Հուսեյնին Սինդ նահանգում տեղի ունեցած ահաբեկչության կապակցությամբ:

«Այս հանցագործությունը չի կարող արդարացում ունենալ: Մենք կարևոր ենք համարում ահաբեկչության դեմ հետևողական և անհաշտ պայքարը», - ասված է Ադրբեջանի նախագահի ցավակցական ուղերձում, տեղեկացնում է Hayatsk.info-ն՝ վկայակոչելով երկրի ղեկավարի պաշտոնական կայքին:

Իլհամ Ալիևը խորին ցավակցություն է հայտնել զոհվածների հարազատներին և մերձավորներին, վիրավորներին մաղթել է շուտափույթ ապաքինում:

Փետրվարի 16-ին Պակիստանի Սինդ նահանգում մահապարտի իրականացրած ահաբեկչության հետևանքով առնվազն 72 մարդ է զոհվել, ավելի քան 250 վիրավոր կա: Ահաբեկչության պատասխանատվությունը ստանձնել է ԻՊ-ն:

hayatsk.info

Հեշթեգներ:


Վերնագիրի այլ պիտակները