Ներսես Պողոսյանը շարունակում է հացադուլը

13:44   11 Հունվար 2017    266

Hayatsk.info-ն հայտնում է, որ մայիսի 31-ից կալանքի տակ գտնվող, Ժիրայր Սեֆիլյանի հետ համագործակցությամբ ապօրինի զենք, զինամթերք պահելու մեջ մեղադրվող Ներսես Պողոսյանը շարունակում է հացադուլը:

Այս մասին այսօր հայտնել է նրա շահերի պաշտպան Արայիկ Պապիկյանը՝ նշելով, որ իր պաշտպանյալն արդեն 27 օր է՝ հացադուլի մեջ է:

«Երեկ եմ տեսակցել, շատ հյուծված, նիհարած եւ գունատ էր: Պարբերաբար բժիշկներ են այցելում, ճնշումը 60/90 է: Ես նրան խնդրեցի, որ դադարեցնի հացադուլը, բայց վճռական է տրամադրված»,- ասաց նա:

Արայիկ Պապիկյանն նշեց, որ Ներսես Պողոսյանի մայրը եւ եղբայրը եւս տեսակցել են նրան եւ խնդրել, որ հացադուլը դադարեցնի. «Փոխարենը ասում է, որ շարունակելու է հացադուլը եւ մի քանի օրից էլ ջրադուլ է հայտարարելու: Ես վաղն էլ եմ տեսակցելու նրան, կփորձեմ համոզել, որ գոնե այդ քայլին չգնա»,-ասաց պաշտպանը:

Ներսես Պողոսյանը բողոքում է իր քրեական գործի դեմ եւ պահանջում է իրեն ազատ արձակել: Հիշեցնենք, որ Ներսես Պողոսյանը կալանավորվել է 2016 թվականի մայիսի 31-ին:

hayatsk.info

Հեշթեգներ:


Վերնագիրի այլ պիտակները