Սիրիայի իշխանությունները հրաժարվել են ընդունել ՄԱԿ-ի հատուկ պատվիրակ դե Միստուրային

11:44   20 Մարտ 2017    121

Ինչպես տեղեկացնում է Hayatsk.info- ն՝ վկայակոչելով ՌԻԱ Նովոստի-ին, Սիրիայի իշխանությունները հրաժարվել են ընդունել Սիրիայի հարցով ՄԱԿ-ի հատուկ պատվիրակ Ստեֆան դե Միստուրային, որը մտադիր էր Դամասկոս այցելել մինչ Ժնևում միջսիրիական բանակցությունների նոր փուլի մեկնարկը:

Դե Միստուրան դիմել է արաբական հանրապետության ղեկավարությանը՝ խնդրելով Սիրիա ժամանել մինչ ժնևյան հանդիպումների մեկնարկը, որոնց անցկացումը նախատեսված է այս շաբաթ: Հատուկ պատվիրակի դիմումին պաշտոնական Դամասկոսը մերժումով է պատասխանել՝ առանց բացատրելու պատճառները:

Միստուրան «անցանկալի անձ է դարձել Դամասկոսում՝ ինչպես այսօր, այնպես էլ ապագայում»: Սիրիայի հարցով ՄԱԿ-ի գլխավոր քարտուղարի հատուկ հանձնակատար Ստեֆան դե Միստուրայի գրասենյակը երեքշաբթի հայտնել է, որ միջսիրիական բանակցությունները կշարունակվեն մարտի 23-ին:

hayatsk.info

Հեշթեգներ:


Վերնագիրի այլ պիտակները