Սպիտակ տունը մեկնաբանել է՝ ինչու է Թրամփը հրաժարվել Մերկելի հետ ձեռքսեղմումից

11:24   20 Մարտ 2017    248

ԱՄՆ Սպիտակ տունը հերքել է, որ նախագահ Դոնալդ Թրամփը Սպիտակ տանը լրագրողների առաջ հրաժարվել է սեղմել Գերմանիայի կանցլեր Անգելա Մերկելի ձեռքը, տեղեկացնում է Hayatsk.info-ն:

«Ես կարծում եմ՝ նա չի լսել հարցը»,- ասել է Սպիտակ տան մամուլի խոսնակ Շոն Սփայսերը գերմանական Der Spiegel պարբերականին:

Ավելի վաղ հաղորդվել է, որ ԱՄՆ նախագահ Դոնալդ Թրամփը հրաժարվել է սեղմել Գերմանիայի կանցլեր Անգելա Մերկելի ձեռքը Սպիտակ տանը կայացած հանդիպման ավարտին համատեղ մամուլի ասուլիսից առաջ:

Ասուլիսի սկզբում լրագրողները լուսանկարներ անելիս բազմիցս հնչեցնում են «ձեռքսեղմում» բառը, որից հետո Մերկելն ինքն է նշում, որ լրագրողները ցանկանում են լուսանկարել այդ պահը: ԱՄՆ նախագահը, սակայն, անտարբեր է մնում, և թվում է, թե արհամարհում է թե՛ լրագրողների, թե՛ Մերկելի խոսքը` փոխարենը խնդրելով լավ լուսանկար ուղարկել Գերմանիա:

Բացի այդ, Վաշինգտոնում Մերկելի հետ հանդիպման հաջորդ օրը Թրամփը Twitter-ի իր էջում մեղադրել էր Գերմանիային «ՆԱՏՕ-ին հսկայական գումարներ պարտք լինելու» համար: Գերմանիայի պաշտպանության նախարար Ուրսուլա ֆոն դեր Լյայենը հերքել է Գերմանիայի պարտքի մասին Թրամփի խոսքերը: «ՆԱՏՕ-ում ոչ մի պարտք չկա»,- հայտարարել է նա:

hayatsk.info

Հեշթեգներ:


Վերնագիրի այլ պիտակները