ՖԻՖԱ-ն 80 մլն ֆունտ է ծախսել կոռուպցիայի հետաքննման վրա

14:13   01 Ապրիլ 2017    358

Կոռուպցիայի հետաքննման վրա Ֆուտբոլի միջազգային ֆեդերացիայի ծախսերը հասել են 80 մլն ֆունտի նշագծին, տեղեկացնում է Hayatsk.info-ն։

Հետաքննությունը, որը տևել է 22 ամիս, ավարտվել է մարտի 31-ին։ Ներքին հետաքննությունն իրականացրել են ամերիկյան Quinn Emanuel ընկերության փաստաբանները՝ շվեյցարական NKF ընկերության մասնագետների հետ համագործակցությամբ։

Տևական հետաքննության ընթացքում ՖԻՖԱ-ն ուսումնասիրել է ավելի քան 2.5 մլն փաստաթուղթ, ինչպես նաև հարցման ենթարկել բազմաթիվ կարևոր ականատեսների, որից հետո նյութերը փոխանցվել են ԱՄՆ-ի և Շվեյցարիայի իշխանություններին։

Նման խոշոր ծախսերի պատճառը եղել է հետաքննության ծավալուն լինելը։ Քանի որ քրեական գործերը բաց են մնում, կազմակերպությունը դեռ չի հրապարակի կամ մեկնաբանի ներքին ստուգման արդյունքները։ Մանրամասն հաշվետվությունն ու համառոտ եզրակացությունները կհրապարակվեն ապրիլի վերջին։

hayatsk.info

Հեշթեգներ:


Վերնագիրի այլ պիտակները