WikiLeaks-ը հրապարակել է ԿՀՎ փաստաթղթերի նոր մասնաբաժինը

16:33   19 Մայիս 2017    295

Ինչպես տեղեկացնում է Hayatsk.info- ն՝ վկայակոչելով ՌԻԱ Նովոստի­-ին, WikiLeaks պորտալը հրապարակել է ԱՄՆ կենտրոնական հետախուզական վարչությանը պատկանող Vault 7 անվանումով գաղտնի փաստաթղթերի փաթեթի նոր մասը:

«Կեսգիշերից հետո» (AfterMidnight) և «Մարդասպանը» (Assassin) կիբեռլրտեսության գործիքների մասին փաստաթղթերի նախորդ փաթեթը հրապարակվել էր մայիսի 12-ին:

Հերթական հրապարակումը նկարագրում է ԿՀՎ-ի կողմից «Աթենք» (Athena) անվանումը ստացած նախագիծը: Ծրագիրն ապահովում է համակարգի հեռակառավարումը, նեղ մասնագիտացված վնասակար ծրագրերի բեռնումը վարակված համակարգչում և դրանից ֆայլերի փոխանցումը:

Ծրագիրն աշխատում է Microsoft օպերացիոն համակարգերով և ստեղծվել է ԿՀՎ-ի կողմից Siege Technologies ընկերության հետ համատեղ:

WikiLeaks-ը ԿՀՎ-ի փաստաթղթերի փաթեթի առաջին մասը հրապարակել է մարտի 7-ին, հաղորդվում էր, որ փաստաթղթերի փաթեթի հրապարակումը լինելու է հետախուզական գերատեսչության գաղտնի փաստաթղթերի ամենախոշոր արտահոսքը:

hayatsk.info

Հեշթեգներ:


Վերնագիրի այլ պիտակները