Լիբանանում ավելի քան 60 բանտարկյալներ փախել են բանտից. նրանցից հինգը զոհվել են ավտովթարից

23:31   21 Նոյեմբեր 2020    253

Հինգ բանտարկյալներ մահացել են շաբաթ օրը Լիբանանում տեղի ունեցած ավտովթարի հետեւանքով, երբ փորձում էին փախչել բանտից, հայտնում է Reuters-ը՝ վկայակոչելով Լիբանանի անվտանգության ուժերի հայտարարությունը:

Նշվում է, որ մեքենան, որում եղել են ավտովթարի զոհերը, բախվել է ծառին: Դեպքը տեղի է ունեցել Բեյրութի արվարձանում գտնվող ուղղիչ գաղութից 69 բանտարկյալների փախչելուց հետո, տեղեկացնում է Hayatsk.info-ն:

Միեւնույն ժամանակ, հայտարարության մեջ չի նշվում, թե ինչպես է նրանց հաջողվել փախչել: Դեպքի մասին զեկուցել են երկրի նախագահ Միշել Աունին: Նա կարգադրել է ակտիվացնել որոնողական աշխատանքները եւ հետաքննել այս միջադեպը:

Հաղորդվում է, որ 15 բանտարկյալներ բռնվել են, իսկ չորսը՝ հանձնվել: Մեկ բանտարկյալ վիրավորվել է: Նա հոսպիտալացվել է:

Hayatsk.info

Հեշթեգներ: Լիբանան  


Վերնագիրի այլ պիտակները