Ճապոնիան 2020թ. կարող է Օլիմպիադայի պատճառով 2 ժամով առաջ տալ ժամացույցի սլաքները

11:11   07 Օգոստոս 2018    323

Ճապոնիայի կառավարությունն ուսումնասիրում է 2020թ. Տոկիոյում անցկացվելիք Օլիմպիական խաղերի ժամանակ ժամացույցի սլաքները 2 ժամով առաջ տալու ու ամառային ժամանակին անցում կատարելու հավանականությունը՝ չնայած, որ երկիրն ավելի քան 60 տարի առաջ է հրաժարվել ամառային ժամանակին անցնելու պրակտիկայից:

Ինչպես նշում է tass.ru-ն, իշխանությունները լիահույս են, որ ժամերի առաջ տալը կօգնի լուծել Տոկիոյում ամառային տապի ու բաց երկնքի տակ ելույթ ունեցող մարզիկների համար դրա հետևանքով առաջացող լուրջ խնդիրների հարցը:

Սակայն իշխող կուսակցության ու կառավարության մի շարք անդամներ համամիտ չեն առաջարկի հետ՝ պնդելով, որ ժամացույցի սլաքները երկու ժամով առաջ տալը խառնաշփոթ կառաջացնի տեղի բնակչության կյանքում:

Հայտնի է, որ այս ամառ Ճապոնիայում հաստատված անոմալ շոգի հետևանքով հոսպիտալացվել են տասնյակ հազարավոր մարդիկ, եղել են նաև զոհեր:

Hayatsk.info

Հեշթեգներ: Ճապոնիա  


Վերնագիրի այլ պիտակները

hayatsk.info ©2016 | Բոլոր իրավունքները պաշտպանված են