Թրամփը հայտնել է Կիմ Չեն Ընի հետ լավ հարաբերությունների մասին

19:16   12 Ապրիլ 2019    100

ԱՄՆ նախագահ Դոնալդ Թրամփը հինգշաբթի Վաշինգտոնում Հարավային Կորեայի նախագահ Մուն Չժե Ինի հետ հանդիպմանը հայտարարել է Հյուսիսային Կորեայի առաջնորդ Կիմ Չեն Ընի լավ հարաբերությունների մասին, եւ որ պատրաստ է նրա հետ երկխոսությանը, հայտնում է «ՌԻԱ Նովոստի»-ն՝ վկայակոչելով Սպիտակ տան մամուլի ծառայությանը:

«Նախագահ Թրամփը եւ նախագահ Մունը քննարկել են մեր երկու երկրների փոխադարձ նպատակները Հյուսիսային Կորեայի վերջնական, ամբողջությամբ ստուգման ենթակա ապամիջուկայնացման վերաբերյալ, ինչպես նաեւ Հանոյի գագաթնաժողովից հետո Հյուսիսային Կորեայի առաջմղման ճանապարհները: Նախագահ Թրամփը հաստատել է, որ Հյուսիսային Կորեայի նախագահ Կիմ Չեն Ընի հետ շատ լավ հարաբերություններ ունի, եւ նշել, որ նրա հետ երկխոսության դուռը բաց է»,- նշված է հաղորդագրության մեջ:

Երկու առաջնորդները հաստատել են Հյուսիսային Կորեայի հետ կապված հարցերում սերտ համակարգման եւ համագործակցության կարեւորությունը, ինչպես նաեւ քննարկել են տնտեսության մեջ երկկողմ համագործակցության հարցեր, տեղեկացնում է Hayatsk.info-ն:

ԱՄՆ-Հյուսիսային Կորեա առաջին գագաթնաժողովը տեղի է ունեցել 2018 թվականի հունիսին Սինգապուրում, երկրորդը՝ 2019-ի փետրվարին Հանոյում: Կողմերին առայժմ չի հաջողվել համաձայնության գալ ապամիջուկայնացման համաձայնագիր կնքելու եւ Կորեական թերակղզու անվտանգության երաշխիքների շուրջ:

Hayatsk.info

Հեշթեգներ: Կիմ-Չեն-Ըն   Թրամփ  


Վերնագիրի այլ պիտակները