Ուկրաինայի բնակչությունը 2001 թվականից կրճատվել է 11,45 միլիոնով

17:39   23 Հունվար 2020    262

Ուկրաինայի բնակչության թվաքանակը 2001 թվականից կրճատվել է 11,45 միլիոնով եւ կազմել 37 միլիոն:

Hayatsk.info-ն հայտնում է, որ այդ մասին հունվարի 23-ին հայտարարել է նախարարների կաբինետի նախարար Դմիտրի Դուբիլետը՝ ներկայացնելով բնակչության փորձնական մարդահամարի արդյունքները:

Ավելի վաղ Դուբիլետը հայտարարել էր, որ 2020 թվականի վերջին բնակչության մարդահամար կանցկացվի SIM-քարտերի տվյալների վերլուծության օգնությամբ, դա թույլ կտա խնայել 83-124 մլն դոլար: Բնակչության մարդահամարի առաջին փորձնական փուլը Կիեւում անցկացվել է 2019 թվականի դեկտեմբերի 1-ից մինչեւ 10-ը, երկրորդը՝դեկտեմբերի 14-ից մինչեւ 23-ը:

Նախարարի խոսքով՝ Կիեւի բնակչությունը 2019 թվականի դեկտեմբերի 1-ի դրությամբ կազմել Է 3,7 մլն մարդ: Ուկրաինայի բնակչության նախորդ մարդահամարը տեղի է ունեցել 2001 թվականին, այն ժամանակ երկրի բնակչությունը կազմում Էր 48,45 մլն մարդ:

Hayatsk.info

Հեշթեգներ: Ուկրաինա  


Վերնագիրի այլ պիտակները