Nissan-ը նախազգուշացրել է, որ դադարեցնում է ավտոմեքենաների արտադրությունն ամբողջ աշխարհում

22:35   22 Փետրվար 2020    575

Ճապոնական ավտոարտադրող Nissan- ը հայտարարել է, որ իր բոլոր ձեռնարկությունները, ներառյալ Ռուսաստանում հնարավոր է պարապուրդի մատնվեն, Չինաստանից ներկրվող պահեստամասերի սղության պատճառով:

Ըստ Automotive News Europe- ի ՝ ընկերությունը 800 տեսակի պահեստամասեր է գնել Հյուբեյից, որը դարձել է COVID-19 վիրուսի տարածման կենտրոնը:

Nissan-ի մեքենաները հագեցած են չինական մասերի լայն տեսականիով՝ արգելակային սկավառակներից մինչև կլիմատիկակակն համակարգերի փոխանցիչներ: Սակայն Հուբեյ նահանգը կարանտինացված էր, և մատակարարումները դադարեցվել էին անորոշ ժամանակով: Փետրվար ամսվա կեսերին Nissan- ը, ինչպես նաև մի շարք այլ խոշոր ավտոարտադրողներ, զգացին պահեստամասերի սուր պակաս, որը սպառնում է դադարեցնել մեքենաների հավաքումը ամբողջ աշխարհի գործարաններում:

Nissan-ի գնահատմամբ՝ փետրվարի 23-ին Ճապոնիայում գործարանի մի քանի գծային կայաններ կդադարեն գործել, որին կհետևի նաեւ արատադրության դադարեցումը Մալազիայում: Հաջորդը կլինեն ԱՄՆ-ը, Մեքսիկան, Մեծ Բրիտանիան, Իսպանիան և Ռուսաստանը: Դեռեւս ամսվա սկզբին Ռուսաստանի ներկայացուցչությունը նախազգուշացրել է, որ Սանկտ Պետերբուրգի գործարանը կարող է մարտ ամսին դադարեցնել աշխատանքը պահեստամասերի պակասի պատճառով: Այնտեղ է իրականացվում Nissan Murano-ի, Qashqai-ի և X-Trail-ի գործարկումը:

Չինաստանից ուղարկվող պահեստամասերի մատակարարումների դադարից արդեն տուժել են Jaguar Land Rover- ը, Mazda- ն և Fiat-ը: Բացի այդ, վիրուսի տարածման պատճառով հետաձգվել են Պեկինի ավտոսրահը և Ֆորմուլա 1-ի Չինաստանի Գրան պրիին:

Hayatsk.info

Հեշթեգներ: Nissan  


Վերնագիրի այլ պիտակները