Վրաստանի նախագահը ՌԴ-ին մեղադրել է հիբրիդային պատերազմ վարելու մեջ

21:08   20 Փետրվար 2020    391

Վրացական կառավարական և կոմերցիոն կայքերի դեմ 2019թ. հոկտեմբերին իրականացված զանգվածային կիբեռհարձակումը հիբրիդային պատերազմի դրսևորում է Ռուսաստանի կողմից:

«Կիբեռհարձակում իրականացնելով Վրաստանի նախագահի պաշտոնական կայքի դեմ 2019թ. հոկտեմբերի 28-ին Ռուսաստանն ուղղակիորեն հարձակում է իրականացրել երկրի ինքնիշխանության և ազգային անվտանգության դեմ, ինչով փորձել է կաթվածահար անել պետական ինտիտուտների գործունեությունը:

Վերոնշյալ կիբեռհարձակումը Ռուսատանի կողմից միջազգային նորմերի կոպիտ խախտում է և հիբրիդային պատերազմի պատկերավոր դրսևորում»,- ասվում է հայտարարության մեջ:

Վրաստանի ԱԳՆ-ն հինգշաբթի ՌԴ ԶՈւ Գլխավոր հրամանատարության ղեկավարությանը մեղադրել է վրացական կառավարական կայքերի դեմ հոկտեմբերի զանգվածային կիբեռհարձակում իրականացնելու մեջ, տեղեկացնում է Hayatsk.info-ն:

Ինչպես նշվում է, կիբեռհարձակման են ենթարկվել Վրաստանի նախագահի, դատական համակարգի, տարբեր համայնքապետարանների, պետական և կոմերցիոն հաստատությունների և ԶԼՄ-ների կայքերը:

Hayatsk.info

Հեշթեգներ: Աշխարհ    


Վերնագիրի այլ պիտակները