Հրվ. Կորեայում կորոնավիրուսով վարակվածների ավելի քան 40 տոկոսն առողջացել է

19:08   25 Մարտ 2020    294

Կորեայի Հանրապետությունում կորոնավիրուսով վարակման դեպքերի թիվը հասել է 9137-ի, ընդ որում, 3.730 մարդ (40.8 տոկոս) առողջացել եւ դուրս է գրվել հիվանդանոցներից:

Hayatsk.info-ն հայտնում է, որ այս մասին հաղորդում է Yonhap գործակալությունը` վկայակոչելով երկրի ռողջապահության նախարարությանը կից Հիվանդությունների վերահսկման եւ կանխարգելման կորեական կենտրոնը:

Բժիշկները ենթադրում են, որ շուտով հարյուրավոր առողջացած պացիենտներ դուրս կգրվեն հիվանդանոցներից: Ըստ նրանց` վարակվածների 80 տոկոսը հիվանդության մեղմ ախտանիշներ ուներ, ինչի պատճառով էլ ինտենսիվ բուժման կարիք չկա:

Yonhap գործակալությունը նշում է, որ Կորեայի Հանրապետությունում երեքշաբթիի դրությամբ մահացության մակարդակը բավականին ցածր է եւ կազմում է բոլոր վարակվածների 1.38 տոկոսը, ինչը ցածր է նաեւ Առողջապահության համաշխարհային կազմակերպության կողմից հրապարակված համաշխարհային միջին ցուցանիշից` 4.9 տոկոսից: Հարավային Կորեայում կորոնավիրուսի հետեւանքով մինչ այժմ մահացել է 127 մարդ:

Hayatsk.info

Հեշթեգներ: Կորեա  


Վերնագիրի այլ պիտակները

hayatsk.info ©2016 | Բոլոր իրավունքները պաշտպանված են