Բունդեսվերը դուրս է բերում իր զորքերին Իրաքից կորոնավիրուսի պատճառով

21:03   29 Մարտ 2020    313

Կորոնավիրուսի համավարակի պատճառով բունդեսվերը դուրս է բերում իր կոնտինգենտն Իրաքից։ Այդ մասին կիրակի՝ մարտի 29-ին, պաշտպանության հարցերով բունդեսթագի հանձնաժողովի ներկայացուցիչներին հայտնել է օպերատիվ հրամանատարությունը։

Առաջին զինծառայողներն ինքնաթիռներով տեղափոխվել են Գերմանիա։ Խոսքը վերաբերում է զինվորներին, որոնց ներկայությունը «բացարձակ պարտադիր չէ»։ Դուրս բերված զորքերի հստակ թիվը չի նշվում, տեղեկացնում է Hayatsk.info-ն։

Ավելի վաղ՝ մարտի 16-ին, ամերիկացի գեներալ լեյտենանտ Փեթ Ուայթը, որը «Իսլամական պետություն» ահաբեկչական կազմակերպության դեմ Inherent Resolve գործողության հրամանատարն է, դադարեցրել է Իրաքում տեղի զինվորականների ուսուցումը մինչեւ մայիսի 11-ը։ «Գերմանիան կմնա Իրաքում կրճատված կազմով մինչեւ հետագա ծանուցումները»,-պարզաբանել են բունդեսվերի մամուլի ծառայությունում։

Hayatsk.info

Հեշթեգներ: Աշխարհ    


Վերնագիրի այլ պիտակները