ԱՄՆ-ում կորոնավիրուսով վարակվածների թիվը գերազանցել է 140 000-ը, մահացածներինը՝ 2400-ը

20:22   30 Մարտ 2020    292

Միացյալ Նահանգներում կորոնավիրոսով վարակման առնվազն 140 570 դեպք է արձանագրվել:

Բացի այդ հաղորդվում է, որ Covid-19 կորոնավիրուսով պայմանավորված հիվանդությունից մահացել է 2443 մարդ: Վիրուսը տարածվել է բոլոր 50 նահանգներում, Վաշինգտոնի շրջանում, ինչպես նաև ԱՄՆ-ին պատկանող այլ տարածքներում, տեղեկացնում է Hayatsk.info-ն:

Մահվան դեպքեր չեն գրանցվել Վայոմինգ և Հավայի նահանգներում:

Ավելի վաղ հաղորդվում էր, որ ԱՄՆ նավատորմին պատկանող հիվանդանոցային նավը մոտենում է Նյու Յորքի ափերին՝ աջակցելու կորոնավիրուսի դեմ պայքարին: Այն համալրված է 1000 հիվանդանոցային մահճակալներով, սարքավորումներով համալրված հիվանդասենյակներով, լաբորատորիայով:

Ողջ աշխարհում կորոնավիրուսով վարակվածների թիվը գերազանցել է 740 000-ը, մահացածներինը՝ 35 000-ը:

Hayatsk.info

Հեշթեգներ: Աշխարհ    


Վերնագիրի այլ պիտակները

hayatsk.info ©2016 | Բոլոր իրավունքները պաշտպանված են