Կիմ Չեն Ընին կրկին կորցրել են

20:38   22 Մայիս 2020    259

Հյուսիսայն Կորեայի առաջնորդ Կիմ Չեն Ընին կրկին կորցրել են: Հարավային Կորեայում հայտարարել են, որ քաղաքական գործիչը չի երեւացել հանրության առաջ վերջին 3 շաբաթների ընթացքում:

«Մենք ուշադիր հետեւում ենք իրավիճակին»,-ասել է Հարավային Կորեայի միավորման նախարարության ներկայացուցիչ Յո Սանգ-Կին, տեղեկացնում է Hayatsk.info-ն:

Մայիսի 19-ին հյուսիսկորեական ԶԼՄ-ները հայտնել են որ Կիմ Չեն Ընն աշխատում է առանց արձակուրդների, ծննդյան օրերի եւ նույնիսկ առանց քնի՝ չնայած նրա անհետացման մասին հաղորդագրություններին:

Մայիսի 13-ին ԶԼՄ-ները հայտնել են, որ Կիմ Չեն Ընը չի երեւացել հանրության առաջ եւ որեւէ հայտարարություն չի արել:

Ապրիլի կեսերին նա բաց է թողել իր պապիկի՝ ԿԺԴՀ հիմնադիր Կիմ Իր Սենի ծննդյան օրվա տոնակատարությունը: Այդ պատճառով խոսակցություններ են հայտնվել նրա հնարավոր մահվան կամ հիվանդության մասին: Սակայն մայիսի 2-ին Կորեայի կենտրոնական հեռագրական գործակալությունը լուսանկարներ է հրապարակել, որում երեւում է, որ Կիմը ներկա է նոր գործարանի բացմանը:

Hayatsk.info

Հեշթեգներ: Աշխարհ    


Վերնագիրի այլ պիտակները