Բելգիայի 18-ամյա արքայադուստրը դարձել է Թագավորական ռազմական ակադեմիայի ուսանողուհի

11:19   23 Մայիս 2020    181

Բելգիայի արքայադուստր Էլիզաբեթը՝ Բելգիայի թագավոր Ֆիլիպի ավագ դուստրն ու ժառանգորդը, ընդունվել է երկրի լավագույն ուսումնական հաստատություններից մեկը՝ Թագավորական ռազմական ակադեմիա (Royal Military Academy)։

Նրա հայրը ժամանակին նույնպես սովորել է այդ ռազմական ակադեմիայում, գրում է Daily Mail-ը։

Նշվում է, որ էլիտար բուհ ընդունվելը հեշտ չէ․ ամեն տարի ուսումնական հաստատությունում սովորելու հնարավորություն է ունենում ընդամենը 150 ուսանող։

18-ամյա արքայադուստրը հաջողությամբ առաջ է անցել տղամարդ թեկնածուներից, ֆրանսերենի և նիդեռլանդերենի, ինչպես նաև մաթեմատիկայի գերազանց քննություններ է հանձնել: Արքայադուստր Էլիզաբեթը նաև լավ ֆիզիկական պատրաստվածություն է ցույց տվել։

Մինչ ռազմական ակադեմիա ընդունվելը, աղջիկը սովորում էր Ուելսի Ատլանտյան քոլեջում։

Բելգիայի արքայադուստրը զբաղվում է թենիսով, ստորջրյա լողով և ալպինիզմով, դաշնամուր է նվագում, զբաղվում է բարեգործությամբ:

Hayatsk.info

Հեշթեգներ: Բելգիա  


Վերնագիրի այլ պիտակները