Հայաստանում հաստատվել է COVID-19-ի 517 նոր դեպք

11:37   02 Հունիս 2020    536

Հայաստանում հունիսի 2-ին, ժամը 11:00-ի դրությամբ հաստատվել է կորոնավիրուսային հիվանդության ընդհանուր 10009 դեպք, որոնցից 3427-ն` առողջացած:

Hayatsk.info-ն հայտնում է, որ այս մասին նշված է Հայաստանի ԱՆ հիվանդությունների վերահսկման և կանխարգելման ազգային կենտրոնի կայքում:

Կորոնավիրուսային հիվանդությամբ այս պահին փաստացի բուժում է ստանում 6368 պացիենտ: Ընդհանուր առմամբ, կատարվել է 59 917 թեստավորում: Այսպիսով` կա կորոնավիրուսային հիվանդությամբ հաստատված 517 նոր դեպք (Հայաստանում մինչև այժմ արձանագրված ամենամեծ թիվը) և 25 առողջացած։

Ընդհանուր առմամբ, կորոնավիրուսային հիվանդությունից արձանագրվել է մահվան 158 (ավելացել է ևս 19-ով) դեպք:

Հայաստանի առողջապահության նախարարությունից հայտնում են, որ մահացած պացիենտները եղել են 80, 53, 64, 80, 82, 75, 58, 69, 57, 79, 63, 69, 75 տարեկան տղամարդիկ և 81, 50, 74, 86, 60, 61 տարեկան կանայք։ Բացի վերջինից, մնացած բոլորն ունեցել են ուղեկցող քրոնիկական հիվանդություններ։

Արձանագրվել է մահվան ևս 1 դեպք, երբ պացիենտների մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով։ Այդպիսի դեպքերի ընդհանուր թիվը 56 է։

Hayatsk.info

Հեշթեգներ: Հայաստան  


Վերնագիրի այլ պիտակները