Apple-ն արգելափակում է ԱՄՆ-ում բողոքի ակցիաների ժամանակ գողացված սմարթֆոնները

11:46   04 Հունիս 2020    213

Ամերիկյան Apple տեխնոլոգիական ընկերությունը հետևում և արգելափակում է երկրում տեղի ունեցող բողոքի ցույցերի ժամանակ գողացված սմարթֆոնները, հայտնում է CNN-ը։

Աղբյուրը մանրամասնում է, որ գողացված հեռախոսներին Apple ընկերության կողմից ուղարկված հաղորդագրությունների «սքրինշոթերը» այս շաբաթ սկսել են սոցցանցերում հայտնվել։ Դրանցում ընկերությունը տեղեկացնում է, որ հեռախոսն արգելափակված է, գտնվում է վերահսկողության տակ, ուստի՝ խնդրում է ապրանքը վերադարձնել խանութ, որի հասցեն նույնպես հաղորդագրության մեջ նշվում է։

Հեռուստաալիքը ներկայացրել է ծանուցումներից մեկի օրինակը, որում ասվում է. «Սարքն անջատվել է և հսկողության տակ է գտնվում։ Տեղական իշխանությունները կտեղեկացվեն այս մասին»։

Հայտնի է, որ կորոնավիրուսային համավարակի հետևանքով փակված բրենդային խանութներն ԱՄՆ-ում զանգվածային բողոքի ցույցերի ընթացքում տեղի ունեցած անկարգություններից ընդամենը մի քանի օր առաջ էին վերսկսել իրենց գործունեությունը։ Նյու Յորքում, Ֆիլադելֆիայում, Վաշինգտոնում գտնվող խանութներից որոշները հայտնել են կողոպուտի և վանդալիզմի դեպքերի մասին։

Hayatsk.info

Հեշթեգներ: Apple  


Վերնագիրի այլ պիտակները