Լուկաշենկոն երկրի քաղաքացիներին կոչ է արել «գեղեցիկ» անցնել համաճարակային այս բարդ ժամանակահատվածը

18:13   06 Հունիս 2020    298

Բելառուսի նախագահ Ալեքսանդր Լուկաշենկոն երկրի քաղաքացիներին կոչ է արել «գեղեցիկ» անցնել համաճարակային այս բարդ ժամանակահատվածը և հաղթել միանգամից մի քանի «համավարակի»՝ առողջապահության, քաղաքականության, տնտեսության, ինչպես նաև տեղեկատվական ոլորտներում։

Աղբյուրը մանրամասնում է, որ Մոգիլյով կատարած աշխատանքային այցի ընթացքում Լուկաշենկոն, խոսելով կորոնավիրուսի թեմայից, նշել է, որ խնդիրը Բելառուսում աստիճանաբար լուծվում է, Մոգիլյովում նույնպես համավարակային իրավիճակը բարելավվում է։

«Պետք է գեղեցիկ անցնենք այս ժամանակահատվածը և չորս-հինգ համավարակի հաղթենք, որոնք այսօր թափառում են մեր երկրով՝ առողջապահության, քաղաքականության, տնտեսության և տեղեկատվական ոլորտներում։ Կհաղթահարենք։ Նման խնդիրնե՞ր ենք հաղթահարել»,- նշել է բելառուս առաջնորդը։

Նախագահը հավելել է, որ հանրապետության՝ հիվանդության դեմ պայքարն առանց համընդհանուր կարանտինային ռեժիմի սահմանման անցկացնելու մասին որոշումը ճիշտ էր։ Միևնույն ժամանակ Լուկաշենկոն կոչ է արել մարդկանց զգուշավոր լինել, հետևել ցուցումներին և շատ ժամանակ անցկացնել մաքուր օդին, տեղեկացնում է Hayatsk.info-ն։

Hayatsk.info

Հեշթեգներ: Աշխարհ    


Վերնագիրի այլ պիտակները