Պուտինը պատմել է Միշուստինի մոտ ախտորոշված կորոնավիրուսի վերաբերյալ իր արձագանքի մասին

19:00   28 Հունիս 2020    194

Ռուսաստանի նախագահ Վլադիմիր Պուտինը հայտարարել է, որ երբ ՌԴ վարչապետ Միխայիլ Միշուստինը վարակվել էր կորոնավիրուսով, ինքը պարտավոր էր լինել ավելի զգույշ եւ կառուցել աշխատանքային գրաֆիկը համապատասխան կերպով, հաղորդում է ՌԻԱ Նովոստի-ն։

«Երբ պարզվել էր, որ վարչապետը, ցավոք, վարակվել է, ես պարզապես պարտավոր էի գործել շատ զգույշ եւ կառուցել իմ աշխատանքային գրաֆիկը համապատասխան կերպով»,-ասել է Պուտինը «Ռոսսիա-1»-ի եթերում, տեղեկացնում է Hayatsk.info-ն։

Ընդ որում՝ նա հավելել է, որ սիրում է շփվել մարդկանց հետ։ «Մարդկանց հետ ուղիղ շփումը ներքին բավարարվածություն է պատճառում ինձ։ Սակայն ես շատ լավ հասկանում եմ, որ հանգամանքները պահանջում են փոխել իմ աշխատանքի ռեժիմը, գրաֆիկը»,-ասել է Պուտինը։

Նա հիշատակել է եւս մեկ հանգամանք։ «Ես նաեւ այսպիսի կանոն եմ սահմանել․ նախագահն ու վարչապետը երբեք չեն թռնում միեւնույն ինքնաթիռում, եւ նաեւ չեն թռնում միեւնույն ժամանակ տարբեր ինքնաթիռներում։ Քանի որ մենք ունենք հատուկ պատասխանատվություն երկրում իրավիճակը պահպանելու համար»,-ամփոփել է Պուտինը։

Hayatsk.info

Հեշթեգներ: Պուտին  


Վերնագիրի այլ պիտակները