Չինաստանում 12 մարդ է մահացել տեղատարափ անձրևների պատճառով

18:07   29 Հունիս 2020    221

Չինաստանի հարավ-արևմտյան Սիչուան նահանգում հորդառատ անձրևների հետևանքով առնվազն 12 մարդ է մահացել, 10-ը՝ անհայտ կորել:

Այս մասին հաղորդում է «Սինհուա» գործակալությունը։ Նշվում է, որ ուրբաթ օրվանից մինչև շաբաթ Մյանին գավառում տեղացած հորդառատ անձրևը ջրհեղեղի պատճառ է դարձել Իհայ քաղաքում, ինչի հետևանքով 10 մարդ զոհվել է, 7-ը՝ անհայտ կորել, տեղեկացնում է Hayatsk.info-ն:

Գաոյան շրջանում ջրհեղեղից տուժած ճանապարհների պատճառով երկու ավտոմեքենա ընկել է գետը․ երկու մարդ զոհվել է, ևս երեքն անհայտ կորած է համարվում։ Տարերային աղետի գոտում է գտնվում մոտ 10 հազար մարդ։

Ընդհանուր առմամբ, ավելի քան 7700 տեղաբնակ տարհանվել է։ Չինաստանի արտակարգ իրավիճակների նախարարությունը հայտնում է, որ հունիսի սկզբից ջրհեղեղի հետևանքով 78 մարդ է մահացել կամ անհետացել, այն ավերել կամ վնասել է ավելի քան 100 000 տուն և 3,5 մլրդ դոլարի ուղղակի տնտեսական վնաս է պատճառել։

Hayatsk.info

Հեշթեգներ: Չինաստան  


Վերնագիրի այլ պիտակները