Կալիֆոռնիայի հարավում հրդեհի հետևանքով 40 տուն է այրվել, տարհանվել են տասնյակ մարդիկ

15:48   01 Հուլիս 2020    197

Հարավային Կալիֆոռնիայում կիրակի գիշերը քամու միջոցով տարածված անտառային հրդեհի հետևանքով 40 տուն է այրվել, տարհանվել են տասնյակ մարդիկ, հայտնում է Daily Mail պարբերականը։

Աղբյուրը մանրամասնում է, որ հրդեհը բռնկվել է ամերիկյան Սան Դիեգո քաղաքից մոտ 160 կմ հեռավորության վրա գտնվող Նիլանդ աղքատ և փոքր գյուղատնտեսական համայնքում։

ԱՄՆ Կալիֆոռնիա նահանգի Իմպերիալ շրջանի մամուլի քարտուղարի խոսքով՝ աղետի հետևանքով հասցված վնասը դեռևս գնահատվում է, սակայն հայտնի է, որ ավերվել է ընդհանուր 40 տուն, տարհանվել է 130 մարդ։

Հայտնի է, որ հրդեհի հետևանքով մոտ 1000 բնակիչ ունեցող Նիլանդում նաև զանգվածային հոսանքազրկումներ են տեղի ունեցել, մարդկանց հորդորել են որոշ ժամանակ քաղաքից դուրս անցկացնել, մինչև ավտանգության բոլոր ստուգումներն ավարտվեն։

Hayatsk.info

Հեշթեգներ: Կալիֆոռնիա  


Վերնագիրի այլ պիտակները