Ռուսաստանի սահմանադրական փոփոխություններին կողմ է քվեարկել ռուսաստանցիների 77,92%-ը, դեմ` 21,27%-ը

14:29   02 Հուլիս 2020    99

Ռուսաստանի կենտրոնական ընտրական հանձնաժողովը մշակել է սահմանադրական փոփոխությունների բոլոր արձանագրությունները. Ռուսաստանի սահմանադրական փոփոխություններին կողմ է քվեարկել ռուսաստանցիների 77,92%-ը, դեմ` 21,27%-ը:

Hayatsk.info-ն հայտնում է, որ այս մասին տեղեկացնում է «ՌԻԱ Նովոստի» գործակալությունը:

Հանրաքվեին մասնակցությունը կազմել է շուրջ 65%: Ըստ լրատվամիջոցի՝ լուրջ խախտումների վերաբերյալ բողոքներ չեն եղել:

Քվեարկությունն անցկացվել է հունիսի 25-ից հուլիսի 1-ը: Սկզբում այն նշանակված էր ապրիլի 22-ին, սակայն հետաձգվել էր կորոնավիրուսի համավարակի պատճառով:

Մայր օրենքում փոփոխությունները նվիրված են նախագահին, կառավարության անդամներին և տարբեր մակարդակի պետական պաշտոնյաներին ներկայացվող նոր պահանջներին: Դրանք նաև ամրագրում են պետության սոցիալական երաշխիքները քաղաքացիների առջև, փոխում են խորհրդարանի լիազորությունների շրջանակը և «զրոյացնում» գործող նախագահի նախագահական ժամկետը:

Hayatsk.info

Հեշթեգներ: Ռուսաստան  


Վերնագիրի այլ պիտակները