Վրաստանը սահմանները բացում է ԵՄ հինգ երկրների համար

20:44   08 Հուլիս 2020    292

Վրաստանի իշխանությունները որոշել են թույլատրել երկիր մուտք գործել Գերմանիայի, Ֆրանսիայի, Լատվիայի, Լիտվայի և Էստոնիայի քաղաքացիներին, բայց միայն ուղիղ ավիաչվերթներով:

Այս երկրներից ժամանող քաղաքացիները երկշաբաթյա կարանտին չեն անցնի: Միևնույն ժամանակ, այցելուները պետք է տեղեկատվություն տրամադրեն այն մասին, թե Վրաստան ժամանելուց առաջ երկու շաբաթվա ընթացքում եղել են արդյոք այլ երկրում, տեղեկացնում է Hayatsk.info-ն:

Վրաստանի սահմանը շանունակում է փակ մնալ Ավստրիայի, Բելգիայի, Մալթայի, Բուլղարիայի, Դանիայի, Նորվեգիայի, Չեխիայի, Սլովակիայի, Ֆինլանդիայի, Շվեյցարիայի և Հունգարիայի համար:

Որոշակի նախապայմաններով Վրաստանի համար սահմանները բացած ԵՄ այլ երկրների քաղաքացիները և ռեզիդենտները նույնպես կկարողանան այցելել Վրաստան, բայց պետք է կարանտին անցնեն իրենց հաշվին:

Կառավարությունը որոշել է նաև գործնական այցերի պայմանները: Ցանկացած երկրի քաղաքացի կկարողանա այցելել երկիր՝ վճարելով երկշաբաթյա կարանտինի կամ PCR թեստի (յուրաքանչյուր 72 ժամը մեկ՝ երկու շաբաթվա ընթացքում) համար:

Պարտադիր երկշաբաթյա կարատնտինը չի չեղարկվում երկիր վերադարձող Վրաստանի քաղաքացիների համար:

Կառավարությունը հաղորդել է, որ Վրաստանի ցամաքային սահմանները մնում են փակ:

Hayatsk.info

Հեշթեգներ: Աշխարհ    


Վերնագիրի այլ պիտակները