Կալիֆորնիայի համալսարանի նախագահ պատմության մեջ առաջին անգամ աֆրոամերիկացի է նշանակվել

15:24   09 Հուլիս 2020    135

150 տարվա ընթացքում առաջին անգամ Կալիֆորնիայի համալսարանի նախագահ աֆրոամերիկացի է դարձել, հայտնում է BBC News-ը:

Համալսարանը կգլխավորի 69-ամյա Մայքլ Դրեյքը, որն իր պաշտոնավարումը կսկսի օգոստոսից:

Դրեյքից առաջ այս պաշտոնը զբաղեցնում էր Արիզոնայի նախկին նահանգապետ Ջանեթ Նապոլիտանոն՝ համալսարանի առաջին կին նախագահը, որը նշանակվել էր այս պաշտոնում 2013 թվականին:

Ըստ Նապոլիտանոյի՝ Դրեյքի նշանակումն այս պաշտոնում հաջորդ քայլն է համալսարանի ջանքերում՝ հավաստիացնելու, որ այն արտացոլում է մեր աշխատակազմի հարուստ բազմազանությունը»:

Կրթությամբ բժիշկ Դրեյքը նախկինում եւս բարձր պաշտոններ է զբաղեցրել համալսարաններում:

Դրեյքի վերջին նշանակումն Օհայոյի համալսարանի նախագահի պաշտոնն էր 2014 թվականին, որը նա լքեց իր նոր նշանակումից մեկ շաբաթ առաջ:

Hayatsk.info

Հեշթեգներ: Կալիֆորնիա  


Վերնագիրի այլ պիտակները