«Վրացական երազանք»-ը Վրաստանի ամենահարուստ կուսակցությունն է. Transparency International Georgia

12:46   10 Հուլիս 2020    189

Վրաստանում ամենահարուստ կուսակցությունը շարունակում է մնալ իշխող «Վրացական երազանք-ժողովրդավարական Վրաստան» կուսակցությունը:

Hayatsk.info-ն հայտնում է, որ այս մասին տեղեկացնում է sputnik-georgia.com կայքը` հղում տալով Transparency International Georgia կազմակերպությանը:

Կազմակերպության տվյալներով` 2019 թվականին 100 000 լարին գերազանցող եկամուտ ունեցող 19 կուսակցության շրջանում ամենահարուստն իշխող կուսակցությունն է, որի հաշվին գրեթե 10 միլիոն լարի (3,3 միլիոն դոլար) կա:


2019 թվականին, ընդհանուր առմամբ, 19 կուսակցության եկամուտները կազմել են 20 739 364 լարի: Գումարի գրեթե կեսը` 9 502 653 լարին, իշխող կուսակցության հաշվին է:

Ամենաբարձր եկամուտներով կուսակցությունների եռյակում ընդգրկվել են նաև «Վրաստանի հայրենասերների դաշինք»-ը` (1 676 618 լարի) և «Եվրոպական Վրաստան»-ը` (1 643 099 լարի):

Միևնույն ժամանակ, կուսակցությունների ընդհանուր եկամուտի 59%-ը (12 301 675 լարի) ստացվել է պետական ֆինանսավորումից, 41%-ը` մասնավոր անձանց նվիրատվություններից:

Hayatsk.info

Հեշթեգներ: Վրաստան  


Վերնագիրի այլ պիտակները