Հնդկաստանում ոսկերչական խանութը ադամանդներով զարդարված պաշտպանիչ դիմակներ է վաճառում

22:05   11 Հուլիս 2020    226

Հնդկաստանի Սուրատ քաղաքում գտնվող ոսկերչական խանութը կորոնավիրուսի համավարակի ֆոնին ադամանդներով զարդարված պաշտպանիչ դիմակներ է վաճառում:

Խանութի սեփականատեր Դիպակ Չոքսին գործակալությանը պատմել է, որ ադամանդներով դիմակներ ստեղծելու գաղափարը ծագել է այն ժամանակ, երբ կարանտինի չեղարկումից հետո խանութ է ժամանել մի մարդ և «յուրահատուկ» դիմակներ պատվիրել հարսի և փեսայի համար, տեղեկացնում է Hayatsk.info-ն։

«Կա դիմակ, որի պատրաստման համար պահանջվում է դեղին ոսկի և ամերիկյան ադամանդներ, այն արժե 150 հազար ռուփի (ավելի քան 1990 դոլար): Մյուս դիմակը պատրաստվում է սպիտակ ոսկուց և իրական ադամանդներից, դրա արժեքը 400 հազար ռուփի է (ավելի քան 5,3 հազար դոլար)»,- հայտնել է խանութի սեփականատերը։

Նրա խոսքով՝ ադամանդներն ու ոսկին, որոնք օգտագործվում են դիմակների պատրաստման համար, կարելի է հանել հաճախորդի ցանկությամբ և դրանցից այլ զարդեր պատրաստել։

Hayatsk.info

Հեշթեգներ: Աշխարհ    


Վերնագիրի այլ պիտակները