Բելառուսի ՆԳՆ-ն սպառնացել է արգելափակել սոցիալական ցանցերն ազգային անվտանգության սպառնալիքի դեպքում

18:45   14 Հուլիս 2020    331

Բելառուսի ՆԳՆ-ն հայտարարել է, որ սոցիալական ցանցերի միջոցով իրականացվում է «անօրինական ակցիաների կազմակերպում և նոր աջակիցների հավաքագրում»:

«Ծայրահեղական տրամադրված անձինք անձնական վիդեո բլոգեր են վարում և հանրային զրույցներ են անցկացնում YouTube-ում, Facebook-ում և VKontakte-ում: Կրկնում եմ. Այն, ինչ տեղի է ունենում երկրում, քաղաքական տեխնոլոգիայի մի մասն է, որը նպատակ ունի հասնել մեկ պարզ նպատակի՝ քայքայել և ապակայունացնել երկրում իրավիճակը»,-ասել է Բելառուսի ՆԳՆ առաջին փոխնախարար Գենադի Կազակևիչը:

Նա նախազգուշացրել է, որ ազգային անվտանգության սպառնալիքի և ցանկացած ապակառուցողական տեղեկատվության տարածման դեպքում Բելառուսի Ներքին գործերի նախարարությունը կկարողանա արդյունավետորեն արգելափակել ազգային սեգմենտի օգտատերերի մուտքը սոցիալական ցանցեր:

Կազակևիչը կարծում է, որ ընդդիմությունը համացանցում ապատեղեկատվության տարածման միջոցով փորձում է «անվստահություն, ատելություն» առաջացնել ոչ միայն պաշտոնյաների, այլև իրավապահ մարմինների նկատմամբ:

Hayatsk.info

Հեշթեգներ: Աշխարհ    


Վերնագիրի այլ պիտակները