Ֆիլադելֆիայում մինչև 2021 թվականի փետրվար արգելել են զանգվածային միջոցառումները

15:33   15 Հուլիս 2020    323

Ֆիլադելֆիայի (Փենսիլվանիայի նահանգ, ԱՄՆ) իշխանությունները մինչև 2021 թվականի փետրվարի 28-ը զանգվածային միջոցառումներ արգելք են սահմանել:

Hayatsk.info-ն հայտնում է, որ այդ մասին հուլիսի 14-ին իր Twitter-ում հայտնել է Ֆիլադելֆիայի քաղաքագլուխ Ջիմ Քեննին:

Նա ճշտել է, որ այդ միջոցը գործում է ավելի քան 50 մարդու մասնակցությամբ միջոցառումների նկատմամբ, ներառյալ փառատոները, շքերթները, համերգները, կառնավալները, տոնավաճառները և մեծ շուկաները: Այսպիսով, նոյեմբերին Ֆիլադելֆիայում չի կայանա Գոհաբանության օրվա տոնական, բազմահազաանոց շքերթը, ինչպես նաև հռչակավոր մարաթոնը, որին մասնակցում են մարզիկներ ամբողջ աշխարհից:

Ըստ որում Քեննին նշել է, որ արգելքը չի տարածվում քաղաքական ցույցերի վրա: Նաև ընդգծվում է, որ նախկինի պես թույլատրված են կազմակերպված մարզական պարապմունքները բաց օդում 25 հոգոց պակաս մասնակցությամբ: Բացի դրանից, արգելված չեն միջոցառումները, որոնք տեղի են ունենում մասնավոր սեփականտերերին պատկանող հրապարկաներում, օրինակ՝ մարզադաշտերում:

Վերջին շաբաթներին ԱՄՆ-ի մի շարք նահանգներում, այդ թվում Ֆլորիդայում, Արիզոնայում, Տեխասում և Կալիֆոռնիայում, նկատվում են հիվանդացության ռեկորդային ցուցանիշներ: Տեղական իշխանությունները դադարեցրել են սանիտարական սահմանափակումների ավելի վաղ սկսված մեղմացման կամ վերացման գործընթացը: Ջոնս Հոփքինսի համալսարանի տվյալներով՝ ԱՄՆ-ում հայտնաբերվել է կորոնավիրուսով վարկաման ավելի քան 3,4 միլիոն դեպք, մահացել է 136,4 հազարից ավելի մարդ, հաղորդել է ՏԱՍՍ-ը:

Hayatsk.info

Հեշթեգներ: Ֆիլադելֆիա  


Վերնագիրի այլ պիտակները