«Դիմակ կկրեմ միայն այն ժամանակ, երբ երկրում արմատախիլ կարվի կոռուպցիան». Մեքսիկայի նախագահ

11:05   01 Օգոստոս 2020    268

Մեքսիկայի նախագահ Անդրես Մանուել Լոպես Օբրադորը հայտարարել է, որ պաշտպանիչ դիմակ կկրի միայն այն ժամանակ, երբ երկրում արմատախիլ կարվի կոռուպցիան:

Ինչպես նշում է The Guardian-ը, երկրի ղեկավարն այս հայտարարությունն արել է այն օրը, երբ Մեքսիկան կորոնավիրուսով պայմանավորված մահերի թվով առաջ է անցել Մեծ Բրիտանիայից:

«Գիտեք՝ երբ եմ պատրաստվում դիմակ կրել. երբ այլևս կոռուպցիա չլինի: Այ այդ ժամանակ դիմակ կհագնեմ ու այլևս չեմ խոսի: Եկեք պայմանավորվենք, հիմա շտապենք ու վերջ տանք կոռուպցիային, որպեսզի դիմակ կրեմ»,-լրագրողներին ասել է Մեքսիկայի նախագահը:

Ոլորտի փորձագետները, գնահատելով Մեքսիկայում կոռուպցիայի ահռելի մասշտաբներն ու Օբրադորի հայտարարությունը, հետևություն են արել, որ նախագահը պարզապես է չի ցանկանում դիմակ կրել: Նա, ինչպես և ԱՄՆ և Բրազիլիայի նախագահները, բազմիցս քննադատել է դիմակների կրումը և երբեք քաղաքացիներին չի խրախուսել համավարակից պաշտպանվելու նպատակով կրել դրանք:

Hayatsk.info

Հեշթեգներ: Մեքսիկա  


Վերնագիրի այլ պիտակները