Կորոնավիրուսի համավարակը պատմության մեջ ամենամեծ խզման է հանգեցրել կրթության ոլորտում. ՄԱԿ

11:17   04 Օգոստոս 2020    211

ՄԱԿ-ի գլխավոր քարտուղար Անտոնիո Գուտերեշը հայտարարել է, որ կորոնավիրուսի համավարակը երբեւէ տեղի ունեցած ամենամեծ խզման է հանգեցրել կրթության ոլորտում, հայտնում է Associated Press-ը:

Ըստ նրա` համավարակի պատճառով աշխարհի 160 երկրում դպրոցները փակվել են հուլիսի կեսերին` ազդելով ավելի քան մեկ միլիարդ դպրոցականի վրա:

Գուտերեշը նաեւ նշել է, որ արդյունքում առնվազն 40 միլիոն երեխա ամբողջ աշխարհում մնացել է առանց կրթության «իրենց կրիտիկական ​​նախադպրոցական տարում»:

Նա նախազգուշացրել է, որ սյս գործընթացների արդյունքում աշխարհին «սերունդների աղետ է սպառնում, որը կարող է մարդկության չօգտագործված ներուժի վատնմանը հանգեցնել, խաթարել տասնամյակների առաջընթացը եւ խորացնել արմատացած անհավասարությունները»:

«Կառավարությունների եւ գործընկերների կողմից ընդունվող որոշումները հարատեւ ազդեցություն կունենան հարյուր միլիոնավոր երիտասարդների եւ առաջիկա տասնամյակների ընթացքում երկրների զարգացման հեռանկարների վրա»,- ասել է Գուտերեշը տեսաուղերձում:

Այս կապակցությամբ նա կոչ է արել վերսկսել դասընթացները դպրոցներում, երբ երկրներում կորոնավիրուսի ներքին փոխանցման գործընթացները վերահսկողության տակ առնվեն:

Hayatsk.info

Հեշթեգներ: ՄԱԿ  


Վերնագիրի այլ պիտակները