Թրամփը հայտարարել է Պուտինին G7 գագաթնաժողովին հրավիրելու ցանկության մասին

12:38   11 Օգոստոս 2020    453

ԱՄՆ նախագահ Դոնալդ Թրամփը հայտարարել է, որ անպայման կհրավիրի Ռուսաստանի նախագահ Վլադիմիր Պուտինին G7-ի հանդիպմանը, որն ամերիկյան առաջնորդը ցանկանում է անցկացնել նոյեմբերի նախագահական ընտրություններից հետո:

«Մենք մի շարք առաջնորդների ենք հրավիրել հանդիպմանը: Ես, անշուշտ, նրան (Պուտինին) կհրավիրեի հանդիպմանը: Կարծում եմ, որ նա շատ կարեւոր գործոն է: Մենք կհրավիրենք այն ղեկավարներին, որոնք G7-ի անդամ չեն, ոմանք արդեն ընդունել են հրավերները»,- լրագրողներին ասել է Թրամփը, տեղեկացնում է Hayatsk.info-ն:

«Բայց ես կարծում եմ, որ մենք պետք է հանդիպում անցկացնենք ընտրություններից հետո, կարծում եմ, որ ընտրություններից հետո մթնոլորտն ավելի լավը կլինի»,- հավելել է նախագահը:

Ավելի վաղ Նախագահ Թրամփը հայտարարել էր, որ G7-ի հանդիպումը հետաձգում է սեպտեմբեր եւ ցանկանում է եւս չորս երկիր հրավիրել՝ Ռուսաստանին, Հնդկաստանին, Ավստրալիային եւ Կորեայի Հանրապետությանը: Ըստ նրա` G7- ում Ռուսաստանի ներկայությունը պահանջում է ողջամտությունը:

Hayat.info

Հեշթեգներ: Աշխարհ    


Վերնագիրի այլ պիտակները