ՆԱՏՕ-ն Վրաստանի հուսալի և հավատարիմ գործընկերն է. Սալոմե Զուրաբիշվիլի

20:28   18 Սեպտեմբեր 2020    304

Վրաստանում ավարտվել են «Արժանի գործընկեր 2020» միջազգային զորավարժությունները:

Փակման արարողության ժամանակ զինծառայողներին է դիմել Վրաստանի նախագահ Սալոմե Զուրաբիշվիլին: Նա նշել է, որ «ՆԱՏՕ-ն Վրաստանի հուսալի ու հավատարիմ գործընկերն է», տեղեկացնում է Hayatsk.info-ն:

«Մեր նպատակն է ստեղծել ժամանակակից, մարտունակ և ՆԱՏՕ-ի հետ համատեղելի Պաշտպանական ուժեր, որոնք, բացի իրենց ազգային պաշտպանական խնդիրները կատարելուց, կնպաստեն Սևծովյան տարածաշրջանի կայունությանը և անվտանգությանը», – ասել է Զուրաբիշվիլին:

Զորավարժություններին մասնակցել են Վրաստանից և ՆԱՏՕ-ի անդամ չորս երկրներից`ԱՄՆ-ից, Մեծ Բրիտանիայից, Ֆրանսիայից և Լեհաստանից ավելի քան 2700 զինծառայող:

Վարժանքների մեկնարկից մի քանի օր առաջ Փոթիի նավահանգիստ է հասցվել ամերիկյան ռազմական տեխնիկա՝ Striker and Hummer զրահամեքենաներ, տեխապահովման մեքենաներ և հրետանի:

Hayatsk.info

Հեշթեգներ: Աշխարհ    


Վերնագիրի այլ պիտակները