Ավստրիայի ԱԳ նախարարը վարակվել է կորոնավիրուսով

17:01   17 Հոկտեմբեր 2020    271

Ավստրիայի եվրոպական եւ արտասահմանյան գործերով նախարար Ալեքսանդեր Շալենբերգը վարակվել է կորոնավիրուսով։

Hayatsk.info-ն հայտնում է, որ այս մասին այսօր հայտնել է Մամուլի ավստրիական գործակալությունը (APA)՝ վկայակոչելով քաղաքական գործչի մամուլի քարտուղարին։

Գործակալությունը նշում է, որ վիրուսի առաջացրած հիվանդությունը նախարարի մոտ առանց ախտանիշների է ընթանում։

Շալենբերգը չորեքշաբթի մասնակցել էր կառավարության նիստին, որի մասնակիցները եղել են պաշտպանական դիմակներով։ Որպես նախազգուշական միջոց նրանք բոլորը կորոնավիրուսի ախտորոշման թեստ կհանձնեն։ Նույն կերպ են արդեն վարվել բոլորը, ովքեր քաղաքական գործչի հետ մոտիկից են շփվել:

Շալենբերգի ներկայացուցիչը կարծիք է հայտնել, որ նախարարը կարող էր վարակված լինել երկուշաբթի Լյուքսեմբուրգում ԵՄ ԱԳՆ ղեկավարների հանդիպմանը։

Hayatsk.info

Հեշթեգներ: Ավստրիա  


Վերնագիրի այլ պիտակները