Ինչպես կարող են ընթանալ ԱՄՆ-Իրան հարաբերությունները

00:13   24 Հոկտեմբեր 2020    353

2020 թվականը սկսվեց ԱՄՆ-ի եւ Իրանի միջեւ պատերազմ բռնկվելու վտանգով: ԱՄՆ-ը թիրախի տակ առավ Իրանի գեներալներից Քասիմ Սոլեյմանիին, ում Վաշիգտոնը մեղադրում էր տարածաշրջանում մի շարք հարձակումներ կազմակերպելու մեջ: Իրանն ի պատասխան, հարվածեց Իրաքում տեղակայված ամերիկյան բազաներին:

Hayatsk.info-ն հայտնում է, որ այս մասին տեղեկացնում է «Ամերիկայի ձայնը»:

Մինչ այդ Թրամփի վարչակազմն ԱՄՆ-ը դուրս էր բերել Իրանի միջուկային միջազգային պայմանագրից: Ինչպես Ժնեւի Միջազգային պատժամիջոցների կազմակերպության ներկայացուցիչ Էրիկա Մորեթն է ասում․ «Այդ պայմանագրից ԱՄՆ-ը դուրս բերելու քայլը ամենամեծ հարվածն էր գլոբալ կառավարմանն ու բազմակողմանիությանը»:

Նա հույս է հայտնում, որ Ամերիկան կվերադառնա այդ պայմանագրին:

Պայմանագրից դուրս գալու հանգամանքն իհարկե Իսրայելի ու Սաուդյան Արաբիայի սրտով էր, եւ այժմ էլ ողջունում են Իրանի նկատմամբ պատժամիջոցներ կիրառելու ԱՄՆ-ի քաղաքականությունը:

Էրիկա Մորեթի խոսքերով, «այսօր աշխարհում պետական ու մասնավոր մեծաթիվ ընկերություններ են վախենում Իրանի հետ գործ ունենալուց»:

Դեմոկրատ թեկնածու Ջո Բայդընն ասել է, թե ինքը ջանք չի խնայի Իրանի միջուկային պայմանագրին նորից միանալու գործում, սակայն կշարունակի պատժամիջոցներն այստեղ մարդու իրավունքները ոտնահարվելու պատճառով:

Սակայն, եթե նույնիսկ ԱՄՆ-ը վերադառնա դեպի միջազգային այս պայմանագիրը, Իրանը դժվար թե հեշտությամբ վստահի Արեւմուտքին, ասում են վերլուծաբանները: Նրանցից Ջուլի Նորմանի խոսքերով, Վաշինգտոնն այս գործարքից միակողմանիորեն դուրս գալով, կորցրել է իր նկատմամբ նախկին վստահությունն ու հարգանքը: Իրանում նորից վստահության մթնոլորտ ստեղծելու համար դեռեւս շատ գործ կա անելու համար, ասում է նա:

Իրանում հաջորդ տարի անցկացվելու են նախագահական ընտրություններ եւ ԱՄՆ-ին շատ քիչ ժամանակ է մնում Թեհրանի հետ հարաբերությունները վերանայելու համար, երբ այսօր կա լուրջ մտավախություն, որ Իրանում իշխանության կարող են գալ կարծր դիրքայինները:

Hayatsk.info

Հեշթեգներ: ԱՄՆ-Իրան  


Վերնագիրի այլ պիտակները