Սթոլթենբերգը շնորհավորել է Բայդենին նախագահական ընտրություններում հաղթելու կապակցությամբ

09:43   24 Նոյեմբեր 2020    181

ՆԱՏՕ-ի գլխավոր քարտուղար Յենս Սթոլթենբերգը շնորհավորել է դեմոկրատ Ջո Բայդենին ԱՄՆ նախագահական ընտրություններում տարած հաղթանակի կապակցությամբ:

Hayatsk.info-ն հայտնում է, որ այս մասին հաղորդագրություն է հայտնվել դաշինքի կայքում:

«Գլխավոր քարտուղարը նորընտիր նախագահ Բայդենին ասել է, որ շատ սերտ համագործակցության հույս ունի նրա հետ՝ Հյուսիսային Ամերիկայի և Եվրոպայի միջև կապերն էլ ավելի ամրապնդելու և հաջորդ տարի ՆԱՏՕ-ի առաջնորդների հանդիպմանը նախապատրաստվելու համար»,- ասվում է հայտարարության մեջ:

Սթոլթենբերգը նաև շնորհակալություն է հայտնել Բայդենին՝ ատլանտյան կուրսին հավատարմության համար և ասել, որ ՆԱՏՕ-ի գոյությունը մոլորակի տարբեր տարածաշրջաններում հավաքական անվտանգության հիմքն է:

Hayatsk.info

Հեշթեգներ: ՆԱՏՕ  


Վերնագիրի այլ պիտակները