Արտաքին գործերի նախարարները քննարկել են իրավիճակը տարածաշրջանում

15:55   26 Նոյեմբեր 2020    539

Ադրբեջանի արտգործնախարար Ջեյհուն Բայրամովը և Ինդոնեզիայի արտգործնախարար Ռետնո Մարսուդին հեռախոսազրույց են ունեցել:

Արտաքին գործերի նախարարությունից հայտնում են, որ նախարարները քննարկել են տարածաշրջանում առկա իրավիճակը, ինչպես նաև ընդգծել 2020 թ. նոյեմբերի 9-ին լիակատար հրադադարի և ռազմական գործողությունների դադարեցման մասին ստորագրված եռակողմ հայտարարության իրագործման կարևորությունը, տեղեկացնում է Hayatsk.info-ն։

Նրանք նշել են համատեղ հայտարարության կարևորությունը տարածաշրջանում կայուն խաղաղություն և զարգացում ապահովելու տեսանկյունից:

Նախարարները քննարկել են նաև երկու երկրների միջև երկկողմ հարաբերությունները, ինչպես նաև մտքեր փոխանակել միջազգային կազմակերպություններում համագործակցության ընդլայնման վերաբերյալ:

Hayatsk.info

Հեշթեգներ: Ջեյհուն-Բայրամով  


Վերնագիրի այլ պիտակները