«Спутник V» պատվաստանյութի ավելի քան 100 մլն դեղաչափ կարտադրվի Հնդկաստանում

16:40   27 Նոյեմբեր 2020    263

COVID-19-ի դեմ պայքարող «Спутник V» անունով պատվաստանյութի ավելի քան 100 մլն դեղաչափ է արտադրելու ռուսական դեղագործական ընկերություններից մեկը Հնդկաստանում, հաղորդում է Ուղղակի ներդրումների ռուսական հիմնադրամը:

Ռուսական և հնդկական ընկերություններն աշխարհում առաջին գրանցված պատվաստանյութը կսկսեն համատեղ արտադրել 2021 թվականի սկզբում:

Ռուսական ընկերության գլխավոր տնօրեն Կիրիլ Դմիտրիևն ասել է, որ կարծում է, համատեղ արտադրությունը կապահովի Հնդկաստանի բնակչությանն անհրաժեշտ քանակը համավարակի ընթացքում:

Այժմ Հնդկաստանում ռուսական պատվաստանյութի փորձարկման 2-3-րդ փուլերն են անցկացվում: Բավարար արդյունքներից հետո 100 մլն դեղաչափ կարտադրվի արդեն պատվաստման համար:

Спутник V դեղամիջոցի ավելի քան 1,2 մլրդ դեղաչափի պատվեր է ստացել ռուսական ընկերությունը: Դրանք կարտադրվեն համատեղ՝ Հնդկաստանում, Բրազիլիայում, Չինաստանում, Հարավային Կորեայում:

Միայն Հարավային Կորեայում կարտադրվի ավելի քան 150 մլն դեղաչափ: Спутник V-ի պատվաստման 42-րդ օրն արդյունավետությունն ավելի քան 95 տոկոս է: ՌԴ-ում հայտարարում են, որ արդյունավետությունը Pfizer, Moderna և AstraZeneca դեղամիջոցների աստիճանի է:

Hayatsk.info

Հեշթեգներ: Հնդկաստան  


Վերնագիրի այլ պիտակները

hayatsk.info ©2016 | Բոլոր իրավունքները պաշտպանված են